இரகசிய சிநேகிதி !

தோளில் சாய்வாய் சில நேரம்  - என் 

      தோழியாய் வாழ்வாய் சில நேரம் !

இடையில் இடருவாய் சில நேரம் - நீ 

     இல்லாமல் நான் செல்லேன் சில நேரம் !

மழையில் குடையாய் சில நேரம் - மாறுவாய்

      நிழலாய் சில நேரம் !

என் அத்தனையும் உன்னுள் சில நேரம் - என் 

      இரகசிய அறையாய் சில நேரம் !

காதலன் அறியா காரியமும் - பகிர்ந்தேன் 

      உன்னோடு சில நேரம்!

காட்ட முடியா கோபத்தையும் - உன்னிடம் 

      காட்டியதுண்டு சில நேரம்!

கட்டியணைத்து அழுது புலம்ப - என்

   காதலனாய் மாறினாய் சில நேரம்!

உணர்வுகள் புரியும் "கைப்பை" யே - என் 

   உறவென்றும் நீயே எந்நேரமும்!