வித்தகி . . .

ஒரே செடியில் தான் மலர்ந்தது 

      ஒரே நாரில் தான் தொடுக்கப்பட்டது !

ஒரே கூடையில் தான் அமர்ந்து சென்றது 

        ஒரே கையால் தான் அளக்கவும் பெற்றது !

ஒரே இலைக்குள் தான் சுருடவும் பட்டது 

       ஒருவனிடம் தான் விலையும் போனது  . . .! 

முதல் இரண்டு முழம் சாமிக்கும் 

          அடுத்த இரண்டு முழம் மனைவிக்கும் என 

முறையாய் தான் முழம் அளந்தும் அளிக்கப்பட்டது . . .

அப்படி இருக்க !

ஒரு சேர பக்தியையும் , காதலையும் பரிவர்த்தனை செய்ய . . .
எப்படி முடிந்தது மல்லிகையால் ?

நிறை . . .

கட்டி அணைத்து, கால்கள் பிண்ணி 

       கழுத்தை கவ்வி, மார்பால் மோதி 

இடையை வருடி, இதழை ருசித்து 

     ஈரப்படுத்தி , வியர்வையில் குளித்தும் 

   முற்று பெறா என் காதல்  . . . !

விரல் எடுத்து, வெட்கம் குழைத்து 

   இதழ் நிறுத்தி , இதமாய் என் கையில் 

அவள் கொடுத்த ஓர் 

     முத்தத்தில் முற்று பெற்றது ! ! ! !

முதிர்க்கன்னி

கருப்பு கவர்வதுஉம் 

                வெள்ளை விளக்குவதுஉம் 

கால அறிவியலின் 

                கணக்குப்படி தான் எனில் . . . 

கருப்பாய் இருந்தும் (இருப்பதால்) அவள் 

                கவரமுடியாமல் போனதெப்படி ?