மன்னிப்பாயா ? ? ?

முதல் பார்வையில் முத்தம் பதிப்பதும்,

 அடுத்த நெருக்கத்தில் அனுபவிக்க  நினைப்பதும்   

 அழகிய காதலின் அம்சம் இல்லையென 

உண்மை காதலை உன்மேல் கொட்டியது - நீ 

  நடைமுறை பழக்கமென நினைக்கவில்லை போலும் . . .

 மன்னித்துவிடு ! ! !

வகை வகையாய் ஆடையுடுத்தி 

  அழகு பார்க்க நினைத்துவிட்டேன் 

வளையத்திற்குள்  இருப்பது தான் - உன் 

விருப்பமென்று அறியாமல் . . .

 மன்னித்துவிடு ! ! !

அதிகாரம் கொண்டுவிட்டால் 

 சுதந்திரம் போய்விடுமென்று 

அகங்காரம் அடக்கி நின்றது  - உனக்கு 

  இளக்காரமாய் தெரிந்தது போலும்  . . .

 மன்னித்துவிடு ! ! !

பெற்றவள் இடத்தினை உலகில் 

  எவளும்  தொட்டிட முடியாதிருந்தும் - காதல் 

கொண்டதால் உன்னையே அவளாய் 

  கொண்டது தவறுதான் உணர்ந்தேன் இன்று  . . .

 மன்னித்துவிடு ! ! !

யோசனை , விவாதமும் உன்னுடன் மட்டுமே - கேட்டு 

  எடுத்த முடிவுகள் எத்தனையோ  இருக்க 

சுய முடிவுகள் தெரியாமல் அல்ல - நமக்குள் 

சுயங்கள் சுயமாய் வேண்டாம் என்று  . . .

 மன்னித்துவிடு ! ! !

அரசியின் வயிற்றில் பிறந்தவன் நான் - இளம் 

  அரசியாய் உன்னை கருதிவிட்டேன் 

பணிப்பெண் பட்டம் வேண்டி நீயோ 

  பரிகாசமாய் என்னை எண்ணினாய் போலும்  . . .

அறியாமல் தந்த ஸ்தானத்திற்காக . . .

 மன்னித்துவிடு ! ! ! 

செல்வங்கள் யாவும் வாழ்கையின் தேவையே 

  தேவைக்கு இருப்பினும் பகட்டுக்காக இல்லையோ ?

செல்வம் எல்லாம் நீயென நினைத்தேன் 

  சேர்வதற்கு நாதியில்லை என நினைத்தாய் போலும்  . . . 

 மன்னித்துவிடு ! ! !

அழகிய மனையாள் அருகிலிருக்க 

  ஆசைக்காக துணையாள் தேடாததும், 

அருகில் அழகி நீ இருக்கையிலே 

 அடுத்தவளை என் மனம் நினைக்காததும் 

அலுத்துவிட்டது போலும் உனக்கு  . . .

 மன்னித்துவிடு ! ! !

உன் பாடல்கள் என் விருப்பங்களாய் 

  உன் வெறுப்புகள் என் வேதனைகளாய் 

உன் தேடல்கள் என் ஆர்வங்களாய் 

 இல்லாதிருந்தால் பிடித்திருக்கும் போலும் உனக்கு  . . .

 மன்னித்துவிடு ! ! !

தாயை போல தாங்கியது தவறோ?  - உன்னை 

 சேயாய் நினைத்து கொஞ்சியது தவறோ ?

கோபிக்காமல் விட்டு கொடுத்தது தவறோ ? 

  கூடி கொஞ்சி பேசியது தவறோ  ?

 மன்னித்துவிடு ! ! !

கூறியிருந்தால் ஒருவேளை 

  மாறியிருப்பேன் உனக்காக . . .

எனினும் எனக்கான அடையாளம் இதுதான் என்றும்  . . . 

மாற நினைக்கவில்லை நான் - என்னை
  மறந்து போனாலும் நீ  . . .

மன்னித்துவிடு ! ! !

மாற்றுப் பயணம் ! ! !

அதே அவசர இரவுப் பயணம்  . . .

அதிகமாய் தூங்கி கொண்டும் 

  அவ்வப்போது முன்டிகொண்டும் 

இரவு நகர்தலோடு - சில வேளை

  இசைகளின் வருடலோடு மட்டுமே . . . 

  

மாறுதலுக்காய் ஒரு பகல் பயணம்   . . .

யதார்த்தமாய் அமைந்தாலும் 

  எதிர்பார்ப்புடன் இதோ, இப்பொது ! !

ஜன்னலில் ஊடுருவிய  காலைக்  கதிர் 

   என் இருக்கையை என்னோடு பகிர்ந்து கொள்ள

பக்கத்து இருக்கையில் பாலகனோ - அவன் 

  பொம்மையோடு தன் இருக்கையை பகிர்ந்து கொண்டான்  . . .

முதல் இருக்கை நடத்துனருக்கும் 

  மூன்றாம் இருக்கைவரை முதியவர்களுக்கும் . . .

பக்கவாட்டின் பகிர்வுகள் சுவாரசியமாய் - ஒரு 

  காதல் ஜோடியுடயது . . . 

ஆகா ! பகிர்வுகளில் தான் எத்தனை விதம் ? 

  

அருகினில்  ஓடும் ஒர மரங்களும்

   தூரத்தில் நடை போடும் ஆல மரங்களும்  . . .

தோகை தொங்கிய கரும்புக்காடும்  -  தோல் 

    உரிந்து தொங்கிய வாழை கொல்லையும்  . . .

கொள்ளை அழகை இதுவரை - நான் 

  கொய்யாமால் போனது எவ்வாறு ? 

பகலிலும் பல்ப் எரியும் ஒரு பம்புசெட்டு 

பாதி கட்டிய நிலையில் சில பாலங்கள் . . . 

பரிதாபம் ! ! ! 

தேவையற்று மின்சாரமும் 

  தேவையோடு மிதி சாரமும் வெட்டியாய் இங்கே ! ! 

கட்டி போட்டு மேயும் கன்னுகுட்டி 

 காம்பு ஈ விரட்டும் சாம்பல் கொக்கு 

பயிறு கண்டு மேயும் பசு மாடு 

 கயிறு கொண்டு எரிழுக்கும் இளங்காளை 

எங்கே சென்றீர்கள் கலைவான்களே, 

  ஏதோ படையுங்கள் இவைகள் கொண்டு  . . . இவைகளுக்காக ! ! 

அவரவர் பாடல்களோடு பயணிகளும் 

 இடையிடையே எச்சரிக்கை ஒளியோடு பேருந்துகளும்  . . .

இடை நில்லா பலகை கொண்ட பேருந்தையும்  

  இடையிட்டு நிறுத்தி அழைக்கும் விடுதி பையன் 

அவனுக்காகவே ஒரு தேநீர் பருகல் . . . 

குறுகிய பாதையில் குலுங்கி செல்கையிலும் 

  பல்ல மேடுகளில் பவ்வியமாய் செல்கையிலும் 

தொட்டிலில் துள்ளல் போட்ட செய்கை - இன்று 

  தொட்டு போனது சற்று நெஞ்சை  . . .  

இன்று காணக் கிடைத்த இக் காட்சிகளை 

   எப்படி இழந்தேன் நேற்றுவரை . . . 

இனி பயணித்தால் அது பகலில் தான் ! ! !