Scintel

சின்டல்

அக்டோபர் 1 ,

வேலையில்லா வெட்டி இளைஞரின் 

                முகவரியில் மூத்தவனாய் !

நடந்து நடந்து நரம்பு அறுந்து 

                ஓடாய் தேய்ந்து உருகுளைந்தவனாய் !

நண்பன் ஒருவன் நல்வழி கூற  - 

                முயன்று பார்க்க முயற்சி செய்தேன் அன்று !

குளிர்ந்த மாதம் பெயரில் கொண்டு , குறுகுறு பார்வை கண்ணில் கொண்டு 

குழந்தை மனதை தன்னுள் கொண்டு , கேள்விதனை கணைகளாய் கொண்டு - 

                துளைத்தெடுத்தான் ஒருவன் என்னுள் தோண்டி யெடுத்தான் தலைவன்!!

ஒன்றுமில்லை உள்ளே வருகையில் - இன்று
                போதவில்லை என் உணர்வினை விளக்கையில்.. 

நட்பு , பகை , சுகம் வலி,
                கூடல், ஊடல், கொஞ்சல் , கெஞ்சல்,

விருப்பு , வெறுப்பு, புன்னகை , கண்ணீர்,
                ஏற்றம் , ஏமாற்றம், சந்தர்பம், சமாதானம்,

இன்னும் எத்தனையோ இன்று! - என்
                காலப்பதிவில் கரையும் கணங்களாக ......

இவைகளில்,
விளையாட்டை சில , வீம்புக்காக சில
                யதார்த்தமாய் சில , எதிர்பார்ப்புடன் சில ......

என்னோடு உறவுகளாய் உணர்வுகளை
                பகிர்ந்த சிலரின் உரிமம் என்னுள்.....

பிறப்பால் ஒன்றாய் அல்ல ஒருவன் - உடன்
                பிறப்பாய் இருந்து சென்றானவன் ,

சுட்டியாய் ஒருத்தி , குட்டியாய் ஒருத்தி
                புட்டி போல் ஒருத்தி, தங்கக்கட்டி நிறம் ஒருத்தி 

தேன் கிண்ணம் ஒருத்தி,  தரையில் ஒரு அன்னம் ஒருத்தி 

                தமக்கையாய் ஒருத்தி , தளிராய் வந்து சேர்ந்தவள் ஒருத்தி..........

முதலணி முற்றுபெறவில்லை, மற்றொரு அணி மாற்றம் கேட்டது 

           வலையொன்று புள்ளியோடு என்னை வளைத்து போட்டது இறுதியில் ..