நல்லதொரு பணிமாற்றம் தான்
புது வடிவில் சீருடையும்
புத்தம் புது வாகனமும்
சாய்ந்து கொள்ள இருக்கை வசதியும்
சற்றும் தொய்வில்லா ஊதியமும்
நல்லதொரு பணிமாற்றம் தான்
வேர்வையைத் தடுக்க குளிர்சாதனமும்
வேலைபளு குறைக்க வானொலியும்
வண்ண வண்ண விளக்குகளும்
வாசனையோடு வாடிக்கையாளர்களும்
நல்லதொரு பணிமாற்றம் தான்
அதி சொகுசு பேருந்து நகர்த்த
இருந்தும் ஏனோ
ஏற்க மறுத்தது மனம் !
பேச்சு கொடுத்துப் பழகி மகிழும்
பாமர மக்களையும்
சினுங்கிப் பேசி சிரித்து கொஞ்சும்
சின்னக் குழந்தைகளையும்
பாரம் சுமந்து படிக்க போகும்
பள்ளிப் பிள்ளைகளையும்
படி தொங்கி சினம் மூட்டும்
கல்லூரி காளைகளையும்
பிரிய விரும்பா பேருந்து ஓட்டுனர் !!
No comments:
Post a Comment